MAKTABDA QO‘G‘IRCHOQ TEATRI

 

Ertak qahramonlarini tayyorlash bizning sevimli mashg‘ulotimiz, – deydi Shohista Dolimova qo‘g‘irchoqlarga mehr bilan boqib.

–Bor ekan­da, yo‘q ekan, och ekan­da, to‘q ekan, so‘lim bir qishloqda odobli, yaqinlari uchun jonini ham fido qiluvchi Botirjon ismli bola bo‘lgan ekan... Bu olamda yaxshilik javobsiz qolmasligi, oqko‘ngil insonlarning yo‘li hamisha ravon bo‘lishi haqida nafaqat ertaklar­u asotirlarda, balki siz­u biz yashab kelayotgan hayotimizda
ham ko‘p duch kelamiz. Aynan shu g‘oyani ilgari suruvchi, kelajagimiz egalari bo‘lmish yoshlarimizni yaxshilikka undovchi «Ertaklar – yaxshilikka yetaklar» to‘plami asosida tayyorlangan «Oltin yaproq» ertagi namoyishi ham yig‘ilganlarda katta taassurot  uyg‘otdi.

– Maktabimiz barcha jabhalarda ilg‘or, bu, albatta, fidoyi ustozlarimizning betinim mehnatlari samarasi, – deydi biz bilan suhbatda Farg‘ona viloyatining Bag‘dod tumanidagi 44­umumta’lim maktabining ma’naviy-ma’rifiy ishlar bo‘yicha rahbar o‘rinbosari E’zozxon Mirpo‘latova. – Mahoratli ustoz tashabbusi bilan tashkillashtirilgan «Bolajon» qo‘g‘irchoq teatri ham qisqa fursat ichi­
– Ertak qahramonlarini tayyorlash bizning sevimli mashg‘ulotimiz, – deydi Shohista Dolimova qo‘g‘irchoqlarga mehr bilan boqib.
Hatto qo‘g‘irchoqlarni tayyorlashda ham ustoz shogirdlariga boshqosh.
Maktabda tashkil etilgan qo‘g‘irchoq teatrining samarali faoliyati barchaga manzur bo‘lmoqda. Tajribali pedagog Shohista Dolimova rahbarligidagi mazkur teatr repertuaridan o‘rin olgan qiziqarli ertak namoyishlari, ibratli hayotiy hikoyalarning teatr yosh havaskor aktyorlari ijrosidagi talqini katta-yu kichikni fikr-mulohaza yuritishga, mushohada qilishga undaydi. Bu esa o‘z o‘rnida tomoshabinlar olqishiga sazovor bo‘layotgan qo‘g‘irchoq teatri jamoasini yanada intilishga, izlanishga chorlaydi.
– Iste’dodli, iqtidorli o‘quvchilarimiz talaygina. Ularning bo‘sh vaqtlarini samarali va mazmunli o‘tkazish maqsadida mazkur teatr to‘garagini tashkillashtirgandik. Natija ko‘rib turganingizdek. Bu, albatta, bizga yanada kuch­quvvat baxsh etadi. Kelgusida «Jonajonim – tabiat», «Olamni asrang, do‘stlar!», «Suv – obihayot», «Ahillikda baraka», «Bilib qo‘yki, seni Vatan kutadi!» kabi dolzarb mavzularda teatr
tomoshalarini rejalashtirmoqdamiz, – deydi Shohista Dolimova.
Biz ham suhbatimiz yakunida muhtarama ustozga, boshlagan xayrli ishingiz baroridan kelsin, yosh avlodga ziyo ulashishdan also charchamang, deya xayrlashdik.

Muhabbatoy RAHMONBERDI qizi